Pravachan mahima

વ્યાખ્યાનનું મહત્વ :

એક  ભાગ્યશાળી  ભાઇ નિયમિત રીતે વ્યાખ્યાનમા જતા.

રોજ 30 મિનિટ વ્યાખ્યાન માટે કાઢે. વ્યાખ્યાનમા થતી જુદી-જુદી વાતો એકાગ્ર ચિતે સાંભળે.

એમના મિત્રને આ પસંદ નહોતું. મિત્ર એવુ માનતો હતો કે આ બધુ સમયની બરબાદી છે. ઘણીવખત એ આ બાબતે પોતાની નારાજગી પણ દર્શાવતો.

એકદિવસ બંને મિત્રો ફરવા માટે નીકળ્યા. રસ્તામાં આ વ્યાખ્યાનની વાત નીકળી.

જે મિત્રને આ બધુ બકવાસ લાગતુ હતું એમણે પોતાના મિત્રને પુછ્યુ, " જ્યાં સુધી હું જાણું છું ત્યાં સુધી તું છેલ્લા 10 વર્ષથી નિયમિત વ્યાખ્યાન સભાઓમાં જાય છે અને 3000થી વધુ વ્યાખ્યાન સભાઓ ભરી છે..

આ બધા વ્યાખ્યાન સભાઓમાં જે વાતો થતી તેમાંથી તને કેટલી યાદ છે ?"

મિત્રએ તો તુંરત જવાબ આપ્યો "મને એમાનું કંઇ જ યાદ નથી."

..જવાબ સાંભળીને પ્રશ્ન પુછનાર મિત્ર ખુબ હસ્યો અને કહ્યુ "તને કંઇ જ યાદ નથી તો પછી આ વ્યાખ્યાન મા જઇને તે કર્યુ શું?"

મિત્રએ પોતાના મિત્રને કહ્યુ, "ભાઇ હું તને તારા પ્રશ્નનો જવાબ આપુ એ પહેલા મને એક પ્રશ્નનો જવાબ આપ જેથી તેના આધારે હું તને જવાબ આપી શકુ...

..મિત્રએ સંમતિ આપતા જ પ્રશ્ન પુછ્યો "તારા લગ્નને કેટલો સમય થયો ? "

પેલાએ કહ્યુ, " મારા લગ્નને પણ 10 વર્ષ જ થયા છે."

વ્યાખ્યાનમા જનારા મિત્રએ વાતને આગળ વધારતા કહ્યુ , " હવે મને એ કહે કે આ 10 વર્ષમાં ભાભીએ તને ભાત-ભાતની અને જાત-જાતની રસોઇ કરીને જમાડી છે એમાથી કેટલી યાદ છે ? 

" પેલાએ જવાબ આપ્યો , " તું પણ ગાંડા જેવો છે એલા રસોઇ થોડી યાદ રહે એ તો ખાઇએ એટલે શરીરને પોષણ મળે. શારીરિક તંદુરસ્તી માટે જમવાનું હોય એ યાદ રહે કે ન રહે તેનાથી શું ફેર પડે?"

મિત્રએ કહ્યુ , " દોસ્ત તારા લગ્ન પછી ભાભીએ બનાવેલી રસોઇ અને તારા લગ્ન પહેલા તારી મમ્મીએ બનાવેલી રસોઇથી જેમ તારા શરીરને પોષણ મળે છે 

તેમ વ્યાખ્યાનમા થતી વાતો મારા આત્મા ને પોષણ આપે છે અને એ વિચારોથી મારુ મન મજબુત બને છે. વાતો યાદ રહી કે ન રહી તે મહત્વનું નથી."

.....શરીર પોષણ માટે નિયમિત ખોરાક લેવો જરૂરી છે તેવી જ રીતે આત્માના પોષણ માટે નિયમિત સારી વ્યક્તિ કે વિચારોનો ખપ પણ જરૂરી છે. આપણને ભલે એ વિચારો યાદ ન રહે પણ એ વિચારો મનને કેળવવાનું કામ ચોક્કસ કરે છે....!

          🙏🏼🙏🏼🙏🏼

 *પ્રભુ વીર નો પંથ*🌷 

🌄🌄🌀🌷🌀🌄🌄